Իրանի արտաքին գործերի նախարար Աբբաս Արաղչին հայտարարել է, որ Իսրայելը ամենամեծ խոչընդոտն է իր երկրի և ԱՄՆ-ի միջև (հունիսին Պակիստանում) ձեռք բերված համաձայնագրի իրականացման ճանապարհին։
ԱԳՆ-ի Telegram-ալիքում հրապարակված գրառման համաձայն՝ Արաղչին հանդիպման ժամանակ գնահատական է տվել այն դիվանագիտական գործընթացին, որն իրականացվել է փետրվարի 28-ին ԱՄՆ-ի և Իսրայելի կողմից իր երկրի դեմ սանձազերծված պատերազմից հետո։
Նշելով, որ ԱՄՆ-ն սկսեց խախտել Թեհրանի և մյուս կողմի միջև ձեռք բերված համաձայնագիրը դրա կնքումից երկու շաբաթ էլ չանցած՝ այն պատճառով, որ այն բխում էր Իրանի շահերից, Արաղչին ասաց. «Իսրայելն այս համաձայնագրի իրականացման գլխավոր հակառակորդն ու խոչընդոտն է»։
Նշելով, որ դիվանագիտական հաջողությունը ո՛չ իրենն էր, ո՛չ էլ Արտաքին գործերի նախարարությանը, Արաղչին ընդգծեց. «Սա իրանական ժողովրդի հաղթանակն էր։ Այն պատերազմի ընթացքում ցուցաբերված դիմադրության արդյունքն էր, որը ստիպեց թշնամուն ընդունել Իրանի պահանջները»։
