Իրանական իշխանությունները հայտնել են, որ երեկ ուշ երեկոյան սկսված և մինչև առավոտ շարունակված ԱՄՆ-ի կողմից Իրանի վրա հարձակումների հետևանքով մահացել է առնվազն 18 մարդ, իսկ 76-ը՝ վիրավորվել։
Հորմոզգանի փոխնահանգապետ Ահմեդ Նեֆիսին հայտարարել է, որ Սիրիկ շրջանի Քուհեշթեք քաղաքում ԱՄՆ-ի կողմից հարսանեկան արարողության անցկացման վայրում տեղի ունեցած հարվածի հետևանքով զոհվել է չորս մարդ, իսկ 68-ը՝ վիրավորվել։
Խուզեստանի փոխնահանգապետ Վալիուլլահ Հայաթին հայտնել է, որ երեկ գիշեր նահանգի երեք վայրերում հրթիռային հարձակումների հետևանքով մաահցել է յոթ մարդ, իսկ ութը՝ վիրավորվել։
Հեղափոխության պահապանների կորպուսի հայտարարության մեջ նաև նշվում է, որ Քերմանշահ նահանգում զոհվել է Ավիատիեզերական հրամանատարության չորս զինվոր, իսկ Լավան կղզում հարձակման ժամանակ՝ Բասիջ աշխարհազորի երեք անդամ։
ԱՄՆ կենտրոնական հրամանատարությունը (CENTCOM) երեկ ուշ երեկոյան հայտարարել է, որ հարձակում է սկսել Իրանի Հեղափոխության պահապանների կորպուսի թիրախների դեմ։
