Գերմանիայի Բոխում քաղաքի բազմաբնակարան շենքում բռնկված հրդեհի հետևանքով երեք մարդ մահացել է, իսկ հինգը՝ վիրավորվել։
Բոխումի հրշեջ ծառայության հայտարարության մեջ ասվում է, որ տեղական ժամանակով ժամը 4:15-ի սահմաններում նրանք Բոխումի Փոստ փողոցի բազմաբնակարան շենքում հրդեհի մասին հաղորդում են ստացել։
Հայտարարության մեջ նաև նշվում է, որ երեք մարդ մահացել է տեղում, իսկ հինգ վիրավոր տեղափոխվել է հիվանդանոց։
Բոխումի ոստիկանության հայտարարության մեջ նշվում է, որ հրդեհը հետաքննելու համար Բոխումի դատախազության համակարգմամբ ստեղծվել է հանձնաժողով։
Ոստիկանությունը դեռևս մանրամասն տեղեկություններ չի հրապարակել հրդեհի պատճառի կամ մահացածների մասին։
