Ուկրաինայի նախագահ Վլադիմիր Զելենսկին հայտարարեց, որ Ռուսաստանը պատրաստվում է Ուկրաինայի վրա ինտենսիվ օդային հարձակում սկսել։
Իր սոցիալական ցանցի էջում հրապարակված ամենօրյա տեսաուղերձում Զելենսկին գնահատեց ռուս-ուկրաինական պատերազմում տեղի ունեցած վերջին զարգացումները։
Նշելով, որ ռուսական բանակի կողմից երեկ Զապորոժիեի մարզի Կոմիշուվախա գյուղի ուղղությամբ հասցված ավիահարվածների հետևանքով զոհերի թիվը հասել է 26-ի՝ Զելենսկին ասել է. «Սա ստոր ահաբեկչական հարձակում է»։
Նշելով, որ իրենց հրթիռներ են անհրաժեշտ «Պատրիոտ» (Patriot) հակաօդային պաշտպանության համակարգի համար՝ Զելենսկին ասաց. «Մեր հետախուզական աղբյուրներից գիտենք, որ Ռուսաստանը պատրաստվում է նոր և ինտենսիվ հարձակման մեր երկրի էներգետիկ և լոգիստիկ ոլորտների վրա»։
Պնդելով, որ Ռուսաստանի վրա պետք է ճնշում գործադրել՝ Զելենսկին հայտարարեց. «Մենք պետք է ճնշում գործադրենք Ռուսաստանի վրա, որպեսզի նրանք այլ ընտրություն չունենան, քան ավարտել այս պատերազմը»։
