Ամերիկացի ռեփեր Մաքլմորը հաստատել է, որ հեռացվել է Էդ Շիրանի՝ ԱՄՆ-ի մարզադաշտերում անցկացվող շրջագայության մասնակիցների կազմից՝ պաղեստինամետ հայտարարությունների պատճառով, որոնք նա արել էր ամսվա սկզբին Նյու Ջերսիի «ՄետԼայֆ» մարզադաշտում ելույթ ունենալիս։
«Գրեմմի» մրցանակակիր արտիստը Instagram-ում հայտնել է, որ ԱՄՆ-ի տարբեր համերգասրահներ տեղեկացրել են շրջագայության կազմակերպիչ Messina Touring Group-ին, որ թույլ չեն տա տվյալ կատարողին ելույթ ունենալ որպես բացման արտիստ Շիրանի «Loop» շրջագայության շրջանակում։
Մաքլմորը պնդում էր, որ շրջագայությունից իրեն հանկարծակի հեռացնելու պատճառը՝ չնայած նրան, որ տարիներ շարունակ պաշտպանել է պաղեստինցիների իրավունքները, հենց այն հարթակն էր, որին ինքը տիրապետում է. «Ուրեմն ինչո՞ւ է սա խնդիր դառնում հիմա։ Որովհետև ես բեմը կիսում եմ աշխարհի ամենահայտնի արտիստներից մեկի հետ՝ Ամերիկայի խոշորագույն մարզադաշտերում։ Երբ հանրային ուշադրությունն ու տեսանելիությունը հասնում են որոշակի մակարդակի, «Ազատությո՛ւն Պաղեստինին» կոչ անելը մեծ ռիսկ է դառնում»։
Նա պնդեց իր ասածը
Թեև Մաքլմորն ընդգծեց, որ Շիրանի հանդեպ որևէ վատ զգացում չունի, նա հայտարարեց, որ նրանց ընկերությունը չի խոչընդոտի իրեն՝ հրապարակայնորեն խոսելու այդ իրադարձությունների մասին։
Ռեփերը հաստատակմնորեն պնդեց իր դիրքորոշումը. «Եթե այս խոսքերի պատճառով ես զրկվեմ ելույթ ունենալու իրավունքից՝ թեև դրանք հաջողությամբ վերադարձրին օրակարգ Պաղեստինի հարցը, ապա սա եղել է ամենահաջողված շրջագայությունը, որին երբևէ մասնակցել եմ»։
Մաքլմորն այս խոսքերն ասել է սեպտեմբերի 5-ին կայացած ելույթի ժամանակ՝ ներկայացնելով «Hind's Hall» երգը, որը նվիրված է հինգամյա Հինդ Ռաջաբին. վերջինս Գազա քաղաքում սպանվել էր Իսրայելի կողմից՝ իր ընտանիքի անդամների հետ միասին։
Մակլեմորը, որը հայտնի է համաշխարհային հիթ-շքերթները գլխավորած այնպիսի երգերով, ինչպիսիք են «Thrift Shop»-ը և «Can't Hold Us»-ը, օգտագործում է իր ունեցած հարթակը՝ պաղեստինցիների իրավունքները պաշտպանելու նպատակով։
2024 թվականին արտիստը թողարկեց «Hind's Hall» վերնագրով բողոքի երգ՝ նվիրված պաղեստինցի վեցամյա աղջիկ Հինդ Ռաջաբին, որի սպանությունը միջազգային հանրության վրդովմունքն էր հարուցել։
