Այն հայտարարությունից հետո, թե ԱՄՆ-ն առաջին անգամ տիեզերքում զենք է տեղակայելու, Զինված ուժերի շտաբների պետերի միացյալ կոմիտեի նախագահ, գեներալ Դեն Քեյնը հայտարարեց, որ ռազմական գործողությունների նոր դարաշրջան է սկսվել, և որ ամերիկյան զորքերը պետք է պատրաստվեն մարտական գործողությունների ոչ միայն Երկրի ուղեծրում, այլև Լուսնի շրջակայքում։
Վաշինգտոնի մերձակայքում անցկացվող «Օդային, տիեզերական և կիբերոլորտի» համաժողովում (Air, Space & Cyber Conference) դիմելով զինվորականներին և ոլորտի ներկայացուցիչներին՝ Դեն Քեյնը հայտարարեց, որ ԱՄՆ զինված ուժերը պետք է անհապաղ հարմարվեն նոր պայմաններին՝ պատրաստ լինելու «մարտնչել, դիմակայել և հաղթել ամենուր՝ ծովի հատակից մինչև Լուսնի ուղեծիր»։
Երկրի բարձր ուղեծրի և Լուսնի միջև ընկած տարածաշրջանում մարտական գործողություններ վարելու՝ ԱՄՆ զինված ուժերի պատրաստակամության վերաբերյալ հայտարարությունը հաջորդեց Ռազմաօդային ուժերի քարտուղար Թրոյ Մեյնկի՝ նույն համաժողովի ընթացքում արված այն հայտարարությանը, թե ԱՄՆ-ն մշակում է «ուղեծրային տիեզերական վերահսկողության զենքեր»։
Տիեզերական զենքերի վերաբերյալ ռազմական պաշտոնյաների վերջին հայտարարությունները հակասում են վաղեմի ավանդույթներին և միջազգային պայմանավորվածություններին, ըստ որոնց՝ տիեզերքը պետք է օգտագործվի բացառապես խաղաղ նպատակներով և չպետք է ռազմականացվի։
Տիեզերքի մասին պայմանագիրը ստորագրվել էր
ԱՄՆ-ի և Չինաստանի կողմից ստորագրված՝ Տիեզերական տարածության մասին 1967 թվականի պայմանագիրը սահմանում է, որ երկնային մարմինները (օրինակ՝ Լուսինը) պետք է օգտագործվեն բացառապես խաղաղ նպատակներով, տիեզերքում չպետք է տեղակայվեն միջուկային զենքեր, և որ պետությունները պատասխանատվություն են կրում տիեզերական օբյեկտների պատճառած վնասի համար։
Երկու տարի առաջ՝ ի հետևանքս ԱՄՆ-ի այն հաղորդումների, թե Ռուսաստանը տիեզերական բազավորմամբ զենք է մշակում, ՄԱԿ-ում նոր նախաձեռնություն մեկնարկեց՝ ուղղված ռազմականացման դեմ միջոցառումների հետագա ամրապնդմանը։
