Ֆրանսիայի Էն շրջանում դպրոցական ավտոբուսի վթարի հետևանքով երկու մարդ զոհվել է, ևս 16-ը՝ ծանր վիրավորվել։

Էնի պրեֆեկտուրան հայտարարել է, որ 43 մարդու, այդ թվում՝ 15 երեխայի տեղափոխող դպրոցական ավտոբուսը անհայտ պատճառով վթարի է ենթարկվել Լենտ քաղաքի մոտակայքում։

Հայտարարության մեջ նշվում է, որ տարածք են ուղարկվել առաջին բուժօգնության խմբեր և իրավապահ մարմիններ, և քաղաքացիներին խնդրել են հեռու մնալ վթարի վայրից։

Պրեֆեկտուրայի երկրորդ հայտարարության մեջ հաստատվել է, որ երկու մարդ մահացել է, իսկ 16-ը՝ վիրավորվել, որոնցից երեքը՝ ծանր։

Ֆրանսիայի տրանսպորտի նախարար Ֆիլիպ Տաբարոն իր սոցցանցերի էջում հայտարարել է, որ ինքը Լենտում տեղի ունեցած վթարի վայր է մեկնում։

Ըստ ազգային լրատվամիջոցների հաղորդագրությունների, Լենտի քաղաքապետ Իվ Քրիստենը հայտարարել է, որ ավտոբուսը դուրս է եկել ճանապարհից և բախվել ծառին։