Իսրայելական լրատվամիջոցների փոխանցմամբ՝ Իսրայելի նախագահ Իսահակ Հերցոգին տեղափոխող ինքնաթիռը խուսափել է Ղազախստան կատարած երկօրյա այցի ընթացքում Թուրքիայի օդային տարածքն օգտագործելուց՝ երկիր հասնելու համար ընտրելով ութժամյա երթուղի։

Իսրայելական 12-րդ ալիքը հայտնել է, որ ինքնաթիռը Եվրոպայի և Ռուսաստանի վրայով այլընտրանքային երթուղի է ընտրել՝ Թուրքիայի օդային տարածք մուտք գործելուց խուսափելու համար, ինչի հետևանքով թռիչքի տևողությունը երկարաձգվել է մինչև ութ ժամ։

Հերցոգը հաստատել է Աստանայում իր վայրէջքը իր X էջում արված գրառման մեջ։

2024 թվականի նոյեմբերին Թուրքիան հրաժարվեց Հերցոգին թույլատրել օգտագործել իր օդային տարածքը Բաքվում կայանալիք COP29-ին մասնակցելու իր թռիչքի համար, և Հերցոգը չեղարկեց ուղևորությունը՝ «անվտանգության նկատառումներից ելնելով»։

Թուրքիայի և Իսրայելի միջև հարաբերությունները վատթարացան Գազայի դեմ Իսրայելի կողմից սանձարձակված դաժան պատերազմի պատճառով, որը հետագայում ընդլայնվեց՝ ներառելով Լիբանանը և Իրանը։